ایرانی بیر قفس چک
یاشامی آه- هوس چک
یوخاریدان اولمادی
آشاغیدان نفس چک
irani bir qəfəs çək
yaşami ah-həvəs çək
yukarıdan olmadı
aşağıdan nəfəs çək

ایچیرم توفانلاری
درد لری ، دومانلاری
سن سیز یالقیز گزیرم
آجی خیابانلاری

بو دونیا بوجور بیتَر
آج آدام آجلیق چکر
من دئمیرم مثل دیر
"آج دوغرایار، توخ یئیَر"
Bu dünya bücür bitər
Ac adam açlıq çəkər 
Mən demirəm məsəl dir
Ac doğrayar tox yeyər

توپ قاباغیندا دورار 
بیر یئنی مکتب قورار
سو اولماسا آج آدام
اؤزونو اودا وورار
top qabağinda durarar
Bir yeni məktəb qurar
Su olmasa ac adam
Özünü oda vurar

سوسوز قالدیز سو ایچین
سرین ائدر سو ایچین
میللت قالخار آیاغا
چؤرک ایچین ، سو ایچین

Susu qaldiz su için
Sərin edər su için
Millət qalxar ayağa
Çörək için , su için

جانیم سنه بنده دیر
آرزو،سئوگین منده دیر
سن سیز یاشایا بیلمم
عاقلیم،فیکریم سنده دیر
canim sənə bəndədir
Arzu, sevgin məndədir
Sənsiz yaşaya bilməm
Aklim, fikrim səndədir

سَنین اولسون دیله ییم

چاییم ، پنیر-چوره ییم

سَندَن دولوب ، آل ساخلا

پارچالانان اوره ییم

اوچوب ،باشیمدان گئتمَز

نیسگیلیم سونا یئتمَز

آج قالسام،سوسوز قالسام

سئودان منی ترک ائتمَز

هر آخشام، سحر آغریر
دونیایا قَدَر آغریر
حالیم یاخشی دیر آمما
کئچمیشیم بَتَر آغریر

بئینیمزدن قوپارماز
شوعورسوزلوق قوتارماز
آخماقلیق،ائششگ لیگی
یاغیش یویوب آپاماز